शिक्षक बँक निवडणुकीत व्यवस्था परिवर्तनासाठी पेन्शन हक्क संघटन कटिबद्ध

 युती व उमेदवार निवड करण्याचे अधिकार निवडणूक निर्णय समितीस - जिल्हा व तालुका कार्यकारिणीच्या एकत्रित बैठकीत सर्वानुमते निर्णय

🤝🤝🤝🤝🤝🤝🤝

निवडणूक निर्णय समितीच्या जिल्हाध्यक्षपदी स्वप्नील मंडले यांची सर्वानुमते निवड

 ✊✊✊✊✊✊✊              

                       महाराष्ट्र राज्य जुनी पेन्शन हक्क संघटन सांगली ची जिल्हा कार्यकारणी बैठक तासगाव येथे पार पडली.या सभेमध्ये शिक्षक बँक निवडणूक बाबत उपस्थित तालुकाध्यक्ष,जिल्हा कार्यकारणी सदस्य यांनी मते मांडली. प्राथमिक शिक्षक बँक निवडणूकीत स्वतंत्र निवडणूक लढवली तर सध्याच्या सभासदांची संख्या पाहता निर्णायक बदल न होता केवळ इतराना लाभ होईल.

येथे क्लिक करुन आणखी फोटो पहा

शिक्षणसेवक मानधन वाढ करणेबाबत महाराष्ट्र राज्य जुनी पेन्शन हक्क संघटन सांगली कडून ग्रामविकास मंत्र्यांना निवेदन

 महाराष्ट्र राज्य जुनी पेन्शन हक्क संघटन सांगली कडून मा.ना. हसन मुश्रीफ साहेब, ग्राम विकास मंत्री महाराष्ट्र शासन यांना शिक्षण सेवक पद्धत बंद करणे  शिक्षणसेवक मानधन वाढ करणेबाबत महाराष्ट्र राज्य जुनी पेन्शन हक्क संघटन सांगली कडून निवेदन देण्यात आले.याबाबत मंत्रिमंडळात चर्चा आश्वासन यावेळी ग्रामविकास मंत्री महोदयांनी दिले.

यावेळी दिलेल्या निवेदनात  राज्यातील शिक्षण सेवक पद्धत बंद करण्यात यावी.त्याचवेळी याबाबत जोपर्यंत निर्णय होत नाही तोपर्यंत शिक्षणसेवकाना 24000 मानधन देण्यात यावी.अशी मागणी करण्यात आली.

मिरजेचे नूतन तहसीलदार डी.एस.कुंभार यांचे महारष्ट्र राज्य जुनी पेन्शन हक्क संघटन कडून स्वागत...

 

"जिल्हा परिषद शाळातच गुणवत्तापूर्ण शिक्षण;प्रयत्नवादी शिक्षकांच्या प्रयत्नांना साथ देणार" -नूतन तहसीलदार डी.एस.कुंभार 

आज मिरजेचे नूतन तहसीलदार डी.एस.कुंभार साहेब यांचे महारष्ट्र राज्य जुनी पेन्शन हक्क संघटन कडून स्वागत जिल्हाध्यक्ष अमोल शिंदे,तालुकाध्यक्ष रमेश मगदूम,कार्याध्यक्ष राहुल गणेशवाडे,महिला आघाडी प्रमुख जयश्री कुंभार,मिरज तालुका संघटक शुभांगी पाटील,सविता जाधव यांनी केले.

यावेळी नूतन तहसीलदार डी.एस.कुंभार साहेब यांनी जिल्हा परिषद शाळातच गुणवत्तापूर्ण शिक्षण;प्रयत्नवादी शिक्षकांच्या प्रयत्नांना साथ देवू असे प्रतिपादन केले.आज अनेक यशस्वी लोक जिल्हा परिषद शाळांमधून शिकलेले आहेत.जिल्हा परिषद शाळा खूप महत्वाच्या असून शिक्षक हा समाजाला दिशा देणारा घटक असून सक्षम शिक्षक,सक्षम समाज घडवतात असे उद्गार काढले.यावेळी शाळांच्या भौतिक विकासासाठी व गुणात्मक वाढीसाठी मार्गदर्शन करण्याची विनंती संघटन कडून करण्यात आली.

सांगली जिल्हा परिषदेच्या शिक्षकांच्या डीसीपीएस हिशेब स्लीप 24 ऑक्टोबरपूर्वी मिळणार.....

 

हिशेब स्लीप तयार करण्याचे काम अंतिम टप्प्यात...

Dcps हिशेब स्लीप संदर्भात जवळपास 2018/19 पर्यंत सर्व कामकाज पूर्ण झाले असून 2019/20 अखेर पर्यंतचे काम येत्या गुरुवार पर्यंत पूर्ण होईल.शक्यतो हिशेब स्लीप वाटप करण्यास दिनांक 23 ऑक्टोबर 2020 पासून सुरवात होईल.

आदरणीय मुख्य कार्यकारी अधिकारी जितेंद्र डूडी साहेब यांनी दिनांक 24 सप्टेंबर 2020 रोजी झालेल्या बैठकीत याबाबत सदर प्रश्न 24 ऑक्टोबर 2020 पर्यंत मार्गी लावला जाईल.हिशेब पत्रक दिले जाईल असा शब्द दिला होता.ते कार्य पूर्णत्वास येत आहे. सीईओ साहेबांनी घेतलेली मीटिंग व त्यानंतर दिलेले टाईम लिमिट,त्यानंतर वित्त विभाग व शिक्षण विभाग यांनी  मिशनमोड वर केलेले काम यामुळे एक दीर्घकाळ प्रलंबित काम पूर्णत्वास जात आहे.आदरणीय मुख्य कार्यकारी अधिकारी जितेंद्र डूडी साहेब यांचे मनःपूर्वक धन्यवाद🙏🙏

DCPS सुरळीत राबवली असती तर......???

सन 2009 ते आज अखेर अंशदान कपात अंदाजपत्रक फाईल डाऊनलोड करण्यासाठि खाली दिलेल्या बटणावर क्लिक करा. 

🖋️अमोल शिंदे🖋️

1 नोव्हेंबर 2005 पासून सेवेत आलेल्या सर्व शिक्षक बंधू भगिनींना नमस्कार..!

                          महाराष्ट्र शासनाने 1 नोव्हेंबर 2005 पासून सेवेत आलेल्या कर्मचाऱ्यांसाठी जुनी 1982 ची पेन्शन योजना बंद केली व नवीन परिभाषित अंशदान निवृत्ती वेतन योजना(DCPS) लागू केली.ही योजना लागू करून 15 वर्षे झाली.त्यानंतर आता आपण सर्व शिक्षकांना राष्ट्रीय निवृत्ती वेतन योजना (NPS) मध्ये वर्ग करण्याची तयारी शासन करत आहे.मुळात आता 15 वर्षानंतर योजना राष्ट्रीय निवृत्ती वेतन योजना (NPS) मध्ये वर्ग करणे हे वरातीमागून घोडे असा प्रकार आहे.गेल्या 15 वर्षात नवीन परिभाषित अंशदान निवृत्ती वेतन योजना(DCPS) योजना राबवण्यात अक्षम्य दुर्लक्ष करण्यात आले असून ही योजना राबवण्यात पूर्णतः अपयश आले आहे हे दिसते.15 वर्षानंतर केवळ DCPS मधून NPS मध्ये वर्ग केल्याने सर्व काही ठीक होईल असा कोणाचा समज असेल तर तो चुकीचा समज ठरेल.केवळ योजनेचे नाव बदलून स्वरूप तेच ठेवून 15 वर्षे उशिरा अंमलबजावणी केल्याने अनेक तोटे संबंधित कर्मचाऱ्यास भोगावे लागणार असून सध्या ही दुर्दैवाने दरम्यानच्या काळात निवृत्त झालेल्या कर्मचाऱ्यांच्या कुटुंबीयांना या लाल फितीच्या कारभारामुळे खूप मोठ्या यातनांना सामोरे जावे लागले आहे. तरीही काही लोक NPS खूप उत्तम असल्याचे सांगत आहेत.खरेतर आता चांगले - वाईट ही तुलना करण्यापेक्षा आम्हाला जी योजना मंजूर करण्यात आली ती त्यावेळी राबवली का गेली नाही?? व त्यावेळी ती सुरळीत न राबवल्याने होणाऱ्या नुकसानीस कोण जबाबदार?होणारे नुकसान कसे भरून निघणार हा प्रश्न आहे.

तासगाव तालुका जुनी पेन्शन हक्क संघटन कडून ऑक्सीजन मशीन व आवश्यक औषधे पंचायत समिती तासगाव कडे सुपूर्द

 

पेन्शन हक्क संघटन माध्यमातून शिक्षकांनी जपली सामाजिक बांधिलकी

 

महाराष्ट्र राज्य जुनी पेन्शन हक्क संघटन तासगाव कडून दोन ऑक्सीजन मशीन व आवश्यक औषधे पंचायत समिती तासगाव सभापती कमलकाकी पाटील यांच्याकडे जुनी पेन्शन हक्क संघटन जिल्हाध्यक्ष अमोल शिंदे पंचायत समिती सदस्य संतोष आठवले,संभाजी पाटील,अर्जुन (बापू) पाटील जिल्हा परिषद सदस्य सांगली, दिपाली पाटील सहाय्यक गटविकास अधिकारी तासगाव, प्रकाश कांबळे प्रभारी गटशिक्षणाधिकारी, गीता शेंडगे शिक्षण विस्तार अधिकारी,अनिल सुर्यवंशी तालुका आरोग्य अधिकारी यांच्या उपस्थितीत देण्यात आले.

 

NPS मध्ये वर्ग करण्यापूर्वी DCPS चा व्याज व शासन हिश्श्यासह हिशेब द्या - शिक्षण उपसचिव यांचे पत्र

 

आधी हिशेब नंतर NPS ही भूमिका घेत महाराष्ट्र राज्य जुनी पेन्शन हक्क संघटन ने NPS फॉर्म भरण्यावर टाकला होता बहिष्का* सांगली जिल्ह्यातील जिल्हा परिषद प्राथमिक शिक्षण विभागाने दिनांक 21 ऑगस्ट 2020 रोजी दिनांक 13 ऑगस्ट 2020 रोजी शिक्षण संचालक यांच्या पत्राचा संदर्भ देत शिक्षकांकडून NPS बाबत फॉर्म 30 ऑगस्ट 2020 अखेर जमा करण्याबाबत पत्र निर्गमित केले होते.यावर महाराष्ट्र राज्य जुनी पेन्शन हक्क संघटन सांगली कडून तीव्र आक्षेप घेत शिक्षण उपसचिव यांच्या 28 जुलै 2020 रोजी च्या पत्रानुसार राष्ट्रीय पेन्शन योजनेत शिक्षक व शिक्षकेतर कर्मचारी यांची नोंदणी करण्यापूर्वी परिभाषेत अंशदान निवृत्ती वेतन योजनेसाठी यापूर्वी कपात रकमांचे हिशेब देण्याची कार्यवाही करावी.आधी हिशेब नंतर NPS अशी भूमिका घेत फॉर्म भरण्यावर बहिष्कार घातला.जिल्ह्यातील 1 नोव्हेंबर 2005 नंतर सेवेत आलेल्या शिक्षकांनी याबाबत नकार पत्र भरून त्याबद्दल असंतोष व्यक्त केला.जिल्ह्यातील एकाही जिल्हा परिषदेच्या शिक्षकाने NPS फॉर्म भरून दिला नाही. दिनांक 3 सप्टेंबर रोजी राज्याच्या शालेय शिक्षण विभागाच्या उपसचिव यांनी राष्ट्रीय पेन्शन योजनेत शिक्षक व शिक्षकेतर कर्मचारी यांची नोंदणी करण्यापूर्वी परिभाषित अंशदान निवृत्ती वेतन योजनेसाठी यापूर्वी कपात रकमांचे हिशेब देण्याची कार्यवाही तातडीने करण्याबाबत शिक्षण आयुक्त व शिक्षण संचालक माध्यमिक,प्राथमिक यांना पत्राने कळवले आहे. अंशदान पेन्शन योजनेच्या आमलबजावणीत अनेक त्रुटी आहेत.जसजसा हिशेब समोर येईल तसा राज्यभरातील या पेन्शन योजनेतील सावळागोंधळ समोर येणार असून शासनाने ही योजना रद्द करून जुनी पेन्शन योजना लागू करावी यासाठी महाराष्ट्र राज्य जुनी पेन्शन हक्क संघटन प्रयत्न करत राहील - अमोल शिंदे,जिल्हाध्यक्ष महाराष्ट्र राज्य जुनी पेन्शन हक्क संघटन सांगली.... आपल्यासाठी आपणच...... आपला.... अमोल शिंदे जिल्हाध्यक्ष महाराष्ट्र राज्य जुनी पेन्शन हक्क संघटन सांगली... 9420453475

हिशेब मिळाला म्हणजे झाले ???

 PDF स्वरूपात सोबत एक अर्ज नमुना देत आहोत. योग्य वाटल्यास आपण तो देवून आपला असंतोष व्यक्त करू...

खाली दिलेल्या बटणावर क्लिक करुन अर्ज नमुना डाऊनलोड करा.

🖋️अमोल शिंदे🖋️

जिल्हाध्यक्ष,महाराष्ट्र राज्य जुनी पेन्शन हक्क संघटन सांगली

9420453475

शिक्षकांना NPS मध्ये वर्ग करण्याबाबत सुरू कार्यवाही संदर्भात अनेक प्रश्न निर्माण होत आहेत.NPS मध्ये वर्ग होताना पूर्वी झालेल्या कपातीचा हिशेब मिळाला म्हणजे झाले??

आपल्याला माहीत आहे यापूर्वी आपण हिशेब चिट्टी मिळण्यासाठी आंदोलन केले होते.त्यानंतर 2016 पर्यंत हिशेब देण्यात आला होता.त्यात अनेक त्रुटी होत्या.मुळात आपल्या कपातीचा हिशेब देणे प्रशासनाची जबाबदारी आहे.पण DCPS योजना अमलबजाणीकडे इतके दुर्लक्ष होते की आपल्या पगारातून कपात रकेमचे शेड्युल नियमित जिल्ह्याला तालुक्यातून पाठवली गेली नाहीत.त्यामुळे प्रत्यक्ष पगारातून झालेली कपात व मिळालेल्या हिशेब चिट्टी यांच्यात तफावत दिसत होती.यानंतर सदर सर्व शेड्युल पंचायत समिती कडून मागवून सर्व नोंदी वित्त विभागात रजिस्टर वर करण्याचे काम गेली वर्षभर सातत्याने सुरू असून जवळपास सदर काम पूर्णत्वास गेले आहे.आता त्या नोंदी सॉफ्टवेअर वर घेवून आपल्याला आपले हिशेब पुढील काही काळात दिले जातील.परंतु खरा प्रश्न हा आहे की केवळ हिशेब दिला म्हणजे झाले काय???

शिक्षकांचे भविष्य NPS रुपी दरीमध्ये कडेलोट करून संपवण्यापेक्षा जुनी पेन्शन रुपी संजीवनी द्या..

 राज्यातील 1 नोव्हेंबर 2005 नंतर सेवेत आलेल्या शिक्षकांची आर्त हाक...

🖋अमोल शिंदे🖋

जिल्हाध्यक्ष, महाराष्ट्र राज्य जुनी पेन्शन हक्क संघटन सांगली

NPS मध्ये वर्ग करण्यापूर्वी 15 वर्षे DCPS योजना राबवून काय मिळवले जाहीर करावे...15 वर्षात झालेल्या कर्मचाऱ्यांच्या नुकसानीची जबाबदारी कोणाची???

💰💰💶💶⚖️⚖️💶💶💰💰

15 वर्षापूर्वी परिभाषित निवृत्ती वेतन योजना ( DCPS)लागू करण्याबाबत निर्णय घेवून त्याची अंमलबजावणी करण्यात शासन यशस्वी झाले नाही.आता 15 वर्षानंतर पुन्हा एकदा सर्व माहिती भविष्य राष्ट्रीय पेन्शन योजनेच्या ( NPS) हाती न देता जुनी पेन्शन योजना लागू करून शासनाने कर्मचारी भविष्य सुरक्षित करायला हवे.

परिभाषित निवृत्ती वेतन योजना ( DCPS) केंद्राच्या राष्ट्रीय निवृत्ती वेतन योजनेत (NPS) मध्ये समाविष्ट करण्याबाबत दिनांक 28 जुलै 2020  रोजीचे शालेय शिक्षण व क्रीडा विभाग उपसचिव यांचे शिक्षण आयुक्त पुणे यांना पत्र लिहिले.त्यानंतर मा.शिक्षण संचालक (प्राथमिक) महाराष्ट्र राज्य पुणे 1 यांचे दिनांक 13 ऑगस्ट 2020 रोजी एक पत्र काढले.त्यास अनुसरून बऱ्याच जिल्ह्यात शिक्षणाधिकारी व अधीक्षक,वेतन व भविष्य निर्वाह निधी पथक(प्राथमिक व माध्यमिक) यांनी तातडीने मुख्याध्यापक, गट शिक्षणाधिकारी याना पत्र लिहून शिक्षकांचे NPS मध्ये वर्ग करण्याबाबत कार्यवाही तातडीने सुरू केली. कोरोना काळात दाखवलेली तत्परता पाहून काही प्रश्न पडत आहेत....

बदलीने जिल्हा बदलला तरी नाते आहे तसेच राहील... निर्माण झालेले ऋणानुबंध अधिक दृढ करू...

 🖋️अमोल शिंदे🖋️

आज आंतरजिल्हा बदली झालेली यादी पाहिली एककिकडे आनंद तर दुसरीकडे जीवाभावाचे  सहकारी दूर जात असल्याचे दुःख.

 आज महाराष्ट्र राज्य जुनी पेन्शन हक्क संघटन सांगली जेथे आहे तेथे पोहचवण्यात ज्या  बांधवांनी खूप मोलाचे योगदान दिले.स्वराज्यातील मावळे ज्या निष्ठेने योगदान द्यायचे त्याच तोडीचे योगदान या जुनी पेन्शन चळवळीत या लढाऊ शिलेदारांनी दिले.विशेषतः जत तालुक्यातील कार्याध्यक्ष ज्ञानेश्वर पंपटवार मूळ नांदेड जिल्ह्याचे असणारे सर कधी परजिल्ह्यातील आहेत असे वाटत नव्हते.जत शहरात आपल्या सुस्वभावाने मोठा मित्रवर्ग जोडलेला...हिवरे मधून सोरडीला बदली झाल्याने पूर्व व पश्चिम दोन्ही भागातील शिक्षकांचा चांगला संपर्क.क्रिकेटची उत्कृष्ट गोडी व जिल्हा परिषद सांस्कृतिक कार्यक्रमात ज्यांच्या टीमचे नृत्य सर्व सभागृह दणाणून सोडे,अगदी  सीईओ साहेबांनी ही गाणे वन्स मोअर घ्यायला लावून स्वतः सहभाग घेतला. शिवाजी अवताडे सर नेहमी कोणतेही काम जबाबदारीने पूर्ण करणारे व्यक्तिमत्व ....आटपाडी मधील विठ्ठल गुट्टे  सर मला कार्यप्रवण करणारे व्यक्तिमत्व...कारण कोणताही प्रश्न निर्माण झाला की सरांचा मेसेज यायचा व मी वाचून दिला नाही की लगेच सरांचा मेसेज अमोलराव रिप्लाय द्या....मला ही हा हक्काचा मेसेज बरा वाटतो...म्हणून अनेकदा रिप्लाय उत्तर असून ही सरांचा तसा मेसेज यायची वाट बघत असतो... दशरथ अतीवाडकर अलिकडल्या काळात परिचय झालेले एक दिलखुलास व्यक्तिमत्व....जत टीम स्टेजवर तर सभागृहात खुर्चीवर दशरथ सर व त्यांची टीम याना पाहण्याचा आनंद वेगळाच...अगदी विनोदी पण खोचक वक्तृत्व.... मैड सर आटपाडी तालुक्यातील एक तंत्रस्नेही शिक्षक मित्र.सर्व आटपाडीकरांचा अंशदान पेन्शन हिशेब चोख ठेवणारे व्यक्तिमत्व...

 शिराळ्याचे वैभव डाकरे,प्रवीण डाकरे या दोन बंधूंनी जिल्ह्याच्या शैक्षणिक उठावात दिलेले योगदान खूप महत्वाचे.वाळव्याचे सचिन पाटील,संदीप कोळी निर्मळ मनाचे मित्र.विठ्ठल पाटील,गणेश पारधी, मेश्राम सर,अमोल खरात,सुर्यवंशी सर,विनोद जाधव यासोबत आमचे ज्येष्ठ बांधव केंद्र प्रमुख भास्कर गंभीरे, दिगंबर तोरकड,आमच्या महिला भगिनी बदलीने आपल्या जिल्ह्यात जात आहेत. हे सगळे आपापल्या जिल्ह्यात जात आहेत याचा आनंद आहे सोबतच हे आपले आपल्या परिवारातील लोक थोडे दूर चालले याचे दुःख ही आहे....

आपण सर्वांनीच महाराष्ट्र राज्य जुनी पेन्शन हक्क संघटन परिवाराचे सदस्य म्हणून सदैव आपले कर्तव्य पार पाडले. संघटन सक्षम करण्यात योगदान दिले.यापुढे ही आपली बदली झाली असली तरी हे ऋणानुबंध अधिक दृढ राहतील.आपल्या प्रत्येक अडचणीत,सुख दुःखाच्या प्रसंगात महाराष्ट्र राज्य जुनी पेन्शन हक्क संघटन परिवार एकजुटीने सोबत असेल.आपल्या पुढील वाटचालीस मनस्वी शुभेच्छा....आपल्या जिल्ह्यात आपल्याला इच्छित सोयीचा तालुका मिळावा,त्या तालुका व जिल्ह्याच्या शैक्षणिक विकासात आपले योगदान महत्त्वाचे असावे याच माझ्याकडून आपणास सदिच्छा....संघटन वाटचालीस आपले मार्गदर्शन नेहमी आपण हक्काने करावे....

MRJPHS सांगलीचे आपले ब्रिद....आपल्यासाठी आपणच..

हे सदैव आपण असाल तेथे जपत राहू....

सदैव आपला...

🖋️अमोल शिंदे🖋️

जिल्हाध्यक्ष,महाराष्ट्र राज्य जुनी पेन्शन हक्क संघटन सांगली

9420453475

जिल्हा परिषदेच्या शिक्षकांची जिल्हांतर्गत बदली प्रक्रिया कोरोना परिस्थिती पाहता यावर्षी रद्द करावी याबाबत शासनास प्रस्ताव पाठवणार;प्रस्तावास मान्यता मिळेपर्यंत 27/2शासन आदेशानुसार बदली प्रक्रिया सुरू राहणार.

 27/07/2020 रोजी दुपारी 12.00 वा.शिक्षकांच्या सर्वसाधारण बदल्या संदर्भात VC चे आयोजन करण्यात आले होते.

 सांगली जिल्हा परिषद अध्यक्ष प्राजक्ता कोरे मॅडम,मा.मुख्य कार्यकारी अधिकारी जितेंद्र डुडी साहेब,शिक्षण समिती सभापती आशाताई पाटील मॅडम, बांधकाम समिती सभापती जगन्नाथ माळी साहेब, समाजकल्याण समिती सभापती प्रमोद आप्पा शेंडगे, शिक्षण समितीचे सन्माननीय सदस्य,शिक्षक संघटनांचे प्रतिनिधी,शिक्षणाधिकारी मॅडम, सर्व गट शिक्षणाधिकारी यांच्या झालेल्या ऑनलाइन मीटिंग मध्ये जिल्हा परिषद अध्यक्ष मॅडम तसेच विषय समिती सभापती यांच्यासह  बहुसंख्य सहभागी पदाधिकारी यांनी कोरोना संसर्ग परिस्थिती पाहता,आशा परिस्थिती  यावर्षी शिक्षकांच्या सर्वसाधारण बदल्या रद्द कराव्यात असे मत व्यक्त केले.

शिक्षक संघटना प्रतिनिधींनी ही याचप्रमाणे भूमिका व्यक्त केली.आदरणीय मुख्य कार्यकारी अधिकारी साहेबांनी सर्वांची मते समजून घेवून बैठकीतील बहुसंख्य जणांची मते व सध्याची परिस्थिती पाहता, शिक्षकांची बदली प्रक्रिया रद्द करण्यास हरकत नाही. बैठकीतील चर्चेनुसार  "बदली प्रक्रिया यावर्षी कोरोना परिस्थिती पाहता रद्द करावी" असा शासनास प्रस्ताव पाठवला जाईल असे सांगितले...परंतु जो पर्यंत शासनाकडून सदर प्रस्तावास परवानगी मिळत नाही तो पर्यंत *27/2शासन आदेशानुसार संवर्ग निहाय याद्या तयार करणे,शिक्षकांकडून अर्ज घेणे याबाबत कार्यवाही सुरू राहील.त्यासंदर्भात वेळापत्रक लवकरच प्रसिद्ध करण्यात येईल असे स्पष्ट केले.*
🖋️🖋️🖋️🖋️🖋️🖋️🖋️🖋️
*प्राथमिक शिक्षक संघटना समन्वय समिती सांगली*

🖋️शब्दांकन - अमोल शिंदे🖋️
सदस्य शिक्षक संघटना समन्वय समिती सांगली....

शिक्षकांच्या बदल्या ऑनलाईन,पारदर्शी कराव्यात

सांगली जिल्हा शिक्षक संघटना समन्वय समिती ऑनलाईन बैठकीत सुर; सोमवारी समन्वय समितीकडून निवेदन दिले जाणार

आज सांगली जिल्हा प्राथमिक शिक्षक संघटना समन्वय समितीची ऑनलाईन बैठक पार पडली.या बैठकीत समन्वय समितीचे निमंत्रक बाबासाहेब लाड, शिक्षक समितीचे नेते किरण गायकवाड,दयानंद मोरे, शिक्षक संघ थोरात गटाचे जिल्हाध्यक्ष विनायक शिंदे, हंबीरराव पवार, शिक्षक संघ शि.द.पाटील गटाचे जिल्हाध्यक्ष मुकुंद सूर्यवंशी,सरचिटणीस अमोल माने,शिक्षक भारती उर्दुचे राज्याध्यक्ष मुश्ताक पटेल,आश्रफ मोमीण, महाराष्ट्र राज्य जुनी पेन्शन हक्क संघटन चे जिल्हाध्यक्ष अमोल शिंदे,पदवीधर शिक्षक संघटनेचे जिल्हाध्यक्ष तुकाराम सावंत,शिक्षक भारतीचे जिल्हाध्यक्ष महेश शरणाथे,मागासवर्गीय शिक्षक संघटना जिल्हाध्यक्ष शिवाजी वाघमारे, संतोष कदम,अखिल भारतीय शिक्षक संघाचे जिल्हाध्यक्ष भानुदास चव्हाण, पुरोगामी संघटनेचे जिल्हाध्यक्ष दिवाणजी देशमुख, मारुती शिरतोडे तसेच संघटनांचे इतर पदाधिकाऱ्यांनीही सहभाग घेतला.

बैठकीत शिक्षकांच्या बदल्या पारदर्शी होण्यासाठी त्या ऑनलाईन कराव्यात. 27/2 शासन आदेशातील त्रुटी दूर करण्यासाठी शासनाने समिती नेमली होती.संघटनांनी अनेक सुधारणा सुचवल्या होत्या त्यानुसार 27/2 धोरणानुसार बदल न करता त्यानुसारच पुन्हा ऑफलाईन बदल्या करण्यात येवू नयेत.बदल्यांची कार्यपद्धती स्पष्ट करण्यात यावी.कोरोना परिस्थिती आटोक्यात आल्यानंतर बदल्या कराव्यात.बदल्या करताना यापूर्वी बदली प्रक्रियेत गैरसोय झालेल्या शिक्षकांच्या रिक्त जागेवर विनंती बदल्या करण्यात याव्यात.आंतरजिल्हा बदलीने आलेल्या शिक्षकांना विनंती बदलीची संधी मिळावी.अशी मते बहुतांश शिक्षक संघटना प्रतिनिधींनी जिल्हा शिक्षक संघटना समन्वय समितीची ऑनलाईन बैठकीत मत मांडले.

 सोमवारी समन्वय समितीची बैठक घेवून यावर्षीच्या बदल्या नेमक्या कशा होणार आहेत याबाबत स्पष्टता आणण्याबाबत निवेदन दिले जाणार असल्याचे संघटना समन्वय समितीचे निमंत्रक बाबासाहेब लाड यांनी माहिती दिली.

सांगली जिल्हा शिक्षक संघटना समन्वय समिती सांगली

शब्दांकन

🖋अमोल शिंदे🖋

सदस्य संघटना समन्वय समिती...

नोकरी लागताना जमा केलेली मूळ कागदपत्रे जिल्हा परिषदेत असणाऱ्या शिक्षकांची यादी व सदर कागदपत्रे आपल्याकडे घेण्यासाठी कार्यपद्धती

नोकरी लागताना जमा करण्यात आलेली काही शिक्षक बंधू भगिनी यांची मूळ कागदपत्रे जिल्हा परिषदेमध्ये आहेत.त्यांच्या नावाची pdf यादी खालील Click Here बटनवर क्लिक करून डाऊनलोड करू शकता.

यादीत नाव असल्यास सदर मूळ कागदपत्रे आपल्याला मिळावीत असा मागणी अर्ज शिक्षण विभागात M.Y.पाटील साहेब यांच्याकडे दिल्यास आपली कागदपत्रे मिळतील.बाहेरच्या जिल्ह्यात असणाऱ्यांनी आपल्या नावाचा एक अर्ज ज्यांच्याकडे कागदपत्रे द्यायची आहेत त्यांना कागदपत्रे देण्याबाबत सहमती पत्र सोबत दिले तर कागदपत्रे मिळू शकतील.स्वतः येण्याचीही गरज नाही.आशा पद्धतीने सध्या परजिल्ह्यात असणाऱ्यांनी एकत्र दोन - चार जणांचे अर्ज एका कडे दिले तरी कागदपत्रे  मिळू शकतील.

कोरोना प्रादुर्भाव वाढत आहे. सर्वत्र लॉकडाऊन आहे.आशा वेळी कागदपत्रे आणण्यासाठी जिल्हा परिषदेकडे येवू नये. कोरोना परिस्थिती आटोक्यात आल्यानंतर,लॉकडाऊन उठल्यानंतरच वरील प्रमाणे आपण आपली कागद पत्रे ताब्यात घ्यावीत.

सध्या घरीच राहा..सुरक्षित रहा..

महाराष्ट्र राज्य जुनी पेन्शन हक्क संघटन सांगली
आपल्यासाठी आपणच

शिक्षक बँकेतील सर्व प्रकारच्या कर्जाचे व्याजदर 10 टक्के होऊ शकतो

( पूर्ण वाचाच...)

🖋️अमोल शिंदे🖋️

नुकतेच covid-19 संदर्भाने 1 लाख कर्ज 11 हप्त्यात कर्ज परतफेडीची देण्याची योजना आणली.या योजनेतून कर्ज काढणाऱ्यास कर्ज हप्ता ज्यादा होतो.कर्ज परतफेडीची मुदत अधिक असावे या अनुषंगाने तुलनात्मक अभ्यास करून मांडला.परंतु तो सकारात्मक घेऊन बदल करण्यापेक्षा  इतर बँकेचे कौतुक करणाऱ्यानी शिक्षक बँकेचा विचार स्वप्नात ही करू नये असा प्रतिसाद काही जबाबदार मंडळीनी दिला.सभासद हे बँकेचे मालक आहेत याचा विसरच पडला असावा कदाचित..शिक्षक बँकेचा स्वप्नात विचार करायला पहिल्यांदा निश्चिंत झोप लागण्यासाठी पहिल्यांदा व्याजदर कमी होणे आवश्यक आहे...अनेक सभासदांच्या झोपा उडल्या आहेत व ते स्वप्नात नाही तर जागे आहेत.डोळसपणे काही बाबी मांडत आहेत.त्यांना बँकेचे स्वप्न पहायचे नाही तर आपण घेतलेले कर्ज फेडण्यासाठी व्याजदरात प्रत्यक्ष दिलासा हवा आहे.आम्ही तुलना केली ती इतर बँकेच्या स्पर्धेत आपली बँक ताकतीने उभी रहावी ती सक्षम होताना सभासद ही सक्षम व्हावेत या धारणेतून. अनेकदा पतसंस्था व बँक याची तुलना होऊ शकत नाही...जिल्हा मध्यवर्ती राष्ट्रीयकृत बँकांशी तुलना होऊ शकत नाही अशी उत्तरे दिली जातात.ठीक आहे पण इतर कर्मचाऱ्यांच्या सहकारी बँकेशी तुलना करून त्यांनी अमलात आणलेल्या काही चांगल्या बाबी करता येतील का????

जुनी पेन्शन योजना पुन्हा लागू करा- मागणी ट्विटर वर ट्रेंडिंगमध्ये ऑनलाईन आंदोलनात पाच तासात ३लाख ८० हजार ट्विट

#RestoreOldPension हा हॅश टॅग वापरत जुनी पेन्शन योजना पुन्हा लागू करा या मागणीसाठी  देशव्यापी लक्षवेधी ऑनलाईन आंदोलनात ट्विटरच्या माध्यमातून दुपारी 12 ते 5 या वेळेत करण्यात आले. या आंदोलनाचे संयोजन राष्ट्रीय पुरानी पेन्शन बहाली कृती समिती(NMOPS)चे राष्ट्रीय अध्यक्ष विजयजी बंधू व महाराष्ट्र राज्य जुनी पेन्शन हक्क संघटन राज्याध्यक्ष वितेश खांडेकर यांनी केले.

माजी RBI गवर्नर विमल जालान आणि रघुराम राजन यांच्या Twitter Account वरुन  ही या हैशटैग सह ट्वीट करून जुनी पेन्शन चे समर्थन केले असून ही बाब या लढ्यासाठी सकारात्मक असून या आंदोलनात कर्मचारी वर्गाने केलेल्या मागणीचा सरकारने सकारात्मक विचार करून सर्वांना जुनी पेन्शन लागू करावी.अशी मागणी महाराष्ट्र राज्य जुनी पेन्शन हक्क संघटनचे राज्य समन्वयक सागर खाडे यांनी केली.

शिक्षणसेवक मानधन वाढ करणे आवश्यक - ना. बच्चुभाऊ कडू यांची मुख्यमंत्र्यांना पत्र लिहून विनंती

आज स्वतः मा.मंत्री महोदय बच्चूभाऊ कडू साहेब यांनी मुख्यमंत्री उद्धवजी ठाकरे यांना पत्र लिहून शिक्षणसेवक मानधन वाढ करणे आवश्यक असल्याची विनंती केली.मंत्री महोदय बच्चूभाऊ कडू साहेब यांनी केलेल्या मागणीने शिक्षण सेवकांच्या रास्त मागणीला बळ मिळाले असून राज्यातील शिक्षण सेवकांच्या मानधन वाढीच्या आशा पल्लवीत झाल्या.ना.बच्चूभाऊ कडू यांनी केलेल्या विनंती बद्दल राज्यभरातील शिक्षणसेवकानी त्यांचे विविध समाज माध्यमातून आभार व्यक्त केले.

शिक्षण सेवक पद्धत बंद करणे व शिक्षणसेवक मानधन वाढ करणेबाबत मा.ना. हसन मुश्रीफ साहेब यांना महाराष्ट्र राज्य जुनी पेन्शन हक्क संघटन सांगली कडून निवेदन

महाराष्ट्र राज्य जुनी पेन्शन हक्क संघटन सांगली कडून मा.ना. हसन मुश्रीफ साहेब, ग्राम विकास मंत्री महाराष्ट्र शासन यांना शिक्षण सेवक पद्धत बंद करणे व शिक्षणसेवक मानधन वाढ करणेबाबत महाराष्ट्र राज्य जुनी पेन्शन हक्क संघटन सांगली कडून निवेदन देण्यात आले.लवकरच याबाबत निर्णय घेवू असे आश्वासन यावेळी ग्रामविकास मंत्री महोदयांनी दिले.

आपल्या अद्वितीय कामगिरीने सांगलीकरांची मने जिंकणारे सांगली जिल्हा परिषदेचे मुख्य कार्यकारी अधिकारी अभिजीत राऊत साहेब

सांगली जिल्हा परिषद मुख्य कार्यकारी अधिकारी पदावर सर्वाधिक काळ कार्यरत मुख्य कार्यकारी अधिकारी
पदोन्नतीने जळगाव जिल्हाधिकारी पदी निवड झाल्याबद्दल हार्दिक अभिनंदन व शुभेच्छा !!
🖋️अमोल शिंदे🖋️
9420453475

एखादी व्यक्ती उच्च पदावर पोहोचल्यावर तिचे पाय जमिनीवर असतील तर ती अधिकारी व्यक्ती खऱ्या अर्थाने जनसामान्यांना न्याय देते. याचे मूर्तिमंत उदाहरण आदरणीय अभिजीत राऊत साहेब...

काम करत असताना व्यवस्थेतील शेवटच्या घटकाचा व शासकीय व्यवस्था खऱ्या अर्थाने ज्या घटकासाठी कार्य करणे अपेक्षित आहे. त्या घटकांना न्याय मिळवून देण्यासाठी ज्यांच्या दालनाचे दरवाजे सदैव सर्वासाठी उघडी होती. येणारे कोणी बडे व्यक्तिमत्व असो की अगदी सामन्यातील सामान्य व्यक्ती सर्वांना समान वागणूक हे साहेबांचं वैशिष्टय...

सांगली जिल्हा परिषदेचे अध्यक्ष म्हटले की सर्वात दीर्घकाळ प्रभावी कार्य करणारे शिवाजीराव नाईक साहेब यांचे नाव प्रत्येक सांगलीकरांच्या डोळ्यासमोर येते.आता सांगली जिल्हा परिषदेचे मुख्य कार्यकारी अधिकारी म्हटले की अभिजीत राऊत हे नाव डोळ्यासमोर येईल.ही नीवे समोर येतात ती केवळ सर्वाधिक काळ काम केले म्हणून नाही तर आपण केलेल्या लोकाभिमुख कार्यामुळे.

जिल्हा परिषदेत महाराष्ट्र राज्य जुनी पेन्शन हक्क संघटन कडून शिक्षण व शिक्षक विषय प्रश्नासंदर्भात भेट

दिनांक 11 जून 2019
जिल्हा परिषदेत मा.मुख्य कार्यकारी अधिकारी अभिजीत राऊत साहेब  यांची स्वर्गीय नानासो कोरे सर यांच्या विमा प्रस्ताव व अनुकंपा प्रस्ताव संदर्भात भेट घेतली यावेळी खालील काही प्रश्नाबाबत ही चर्चा करून निवेदन देण्यात आले.

⚫विविध शालेय अनुदान शाळांना वर्ग करण्याबाबत दिनांक 23 मार्च रोजी आदेश निघाले.शाळांच्या खात्यावर सदर अनुदान 15 एप्रिल रोजी जमा झाले आहे.16 मार्च पासून लॉक डाऊन असल्याने सर्व दुकाने,व्यवसाय बंद

स्वर्गीय नानासो कोरे सर यांच्या विमा प्रस्ताव व अनुकंपा प्रस्ताव बाबत महाराष्ट्र राज्य जुनी पेन्शन हक्क संघटन कडून जिल्हा परिषदेचे मा. मुख्य कार्यकारी अधिकारी अभिजित राऊत साहेब यांची भेट

निवेदन पाहण्यासाठी खाली दिलेल्या बटणावर क्लिक करा..

*नानासो कोरे सरांच्या पत्नीना अनुकंपा अंतर्गत सेवेत घेण्याबाबत जिल्हा परिषद शिक्षण समितीत ठराव मंजूर*
🙏🙏🙏🙏🙏🙏🙏

आज दिनांक 11 जून 2020 रोजी जिल्हा परिषदेचे मा. मुख्य कार्यकारी अधिकारी अभिजित राऊत साहेब यांची भेट घेवून स्वर्गीय नानासो कोरे सर यांच्या विमा प्रस्ताव व अनुकंपा प्रस्ताव बाबत चर्चा करण्यात आली.यावेळी स्वर्गीय नानासो कोरे सर यांचे वडील सदाशिव कोरे (काका) उपस्थित होते. आदरणीय मुख्य कार्यकारी

शिक्षकांचे पगार राष्ट्रीयकृत बँकेत होण्यासाठी कडेगांव तालुक्याचे गटशिक्षणाधिकारी श्री. नायकवडी साहेब यांची भेट

आज दिनांक 05.06.2020 रोजी आपल्या कडेगांव तालुक्याचे गटशिक्षणाधिकारी श्री. नायकवडी साहेब यांची शिक्षकांचे पगार राष्ट्रीयकृत बँकेत होण्यासाठी भेट घेण्यात आली व पाठपुरावा करण्यात आला. सदर भेटीवेळी माननीय श्री नायकवडी साहेब यांनी मार्गदर्शन केले. शिक्षकांचे पगार राष्ट्रीयकृत बँकेत झाले की कोणकोणते फायदे होतात याबद्दल चर्चा करण्यात आली. यावेळी साहेबांनी सर्व तांत्रिक बाबी पूर्ण करण्यात येईल अशी ग्वाही दिली. यावेळी 🤝🤝🤝🤝🤝

यावेळी बँक ऑफ इंडिया शाखा कडेगाव चे शाखाधिकारी श्री. पटेल साहेब यांनी श्री. नायकवडी साहेब यांची भेट घेतली. भेटीत नायकवडी साहेबांनी शिक्षकांना कोणते लाभ मिळतात याबद्दल प्रश्न विचारले. त्यावर पटेल साहेबांनी सविस्तर उत्तरे दिली.

मिरज तालुका गटशिक्षणाधिकारी साहेब यांचे स्वागत व भेट

आज महाराष्ट्र राज्य जुनी पेन्शन हक्क संघटन मिरज च्या वतीने पंचायत समिती मिरज या ठिकाणी नव्याने हजर झालेले गटशिक्षणाधिकारी श्री. कालगावकर साहेब यांची भेट घेण्यात आली. संघटनच्या वतीने साहेबांचे स्वागत करण्यात आले.तसेच शिक्षक  प्रश्नांसंदर्भातील निवेदन देऊन साहेबांशी तालुक्यातील विविध शिक्षक प्रश्नासंदर्भात चर्चा करण्यात आली.

 शैक्षणिक विषयावर चर्चा करत जवळ जवळ तासभर साहेबांनी संघटन साठी वेळ देत कार्यालयीन स्तरावरीलकोणताही प्रश्न प्रलंबित रहाणार नाही असे आश्वासन देत तालुक्याच्या शैक्षणिक विकासात संघटनांची भूमिका पूरक असावी , अशी अपेक्षा व्यक्त केली.

  निवेदनात नमूद केलेल्या प्रत्येक विषयावर साहेबांशी चर्चा झाले.त्याचबरोबर राष्ट्रीयकृत बँकेत केंद्रप्रमुख पगार

DCPS धारकांचा सातवा वेतन आयोग रोखीने फरकाचा दुसरा हप्ता

डी.सी.पी.एस. धारकांचा सातवा वेतन आयोग रोखीने फरकाचा दुसरा हप्ता 1 जुलै रोजी दिनांक 30 मे 2019 च्या शासन आदेशानुसार आदा करण्याबाबत गट शिक्षणाधिकारी याना सूचित करण्याबाबत शिक्षणाधिकारी मॅडमना विनंती केली असून अशा पद्धतीच्या सूचना दिल्या जातील असे शिक्षणाधिकारी मॅडम यांनीसांयांनी आहे.

- अमोल शिंदे, जिल्हाध्यक्ष

राष्ट्रीयकृत बँकांच्या सॅलरी पॅकेज बाबत

 बँक ऑफ बडोदाने BSNL व MTNL सॅलरी व पेन्शन खात्यांसाठी  अपघाती निधन असणारी विमा योजना विस्तारित केली असून महाराष्ट्रातील जिल्हा परिषद कर्मचारी यांना ही मिळू शकते 90 लाखांचे विमा कवच

विविध राष्ट्रीयकृत बँकेत पगार खाते असल्यास संबंधित कर्मचाऱ्यांचे अपघाती निधन झाल्यास त्यांना विमा कवच असल्याने 1 नोव्हेंबर 2005 नंतरच्या शिक्षकांचे पगार राष्ट्रीयकृत बँकेत व्हावेत यासाठी संघटन प्रयत्नशील आहे. त्यास काही प्रमाणात यश आले असून लवकरच आपल्याला आपणास हव्या त्या राष्ट्रीयकृत बँकेत पगार मिळेल...

आशावेळी बँक निवड करताना आपल्याला माहिती असावे म्हणून विविध बँकेच्या सॅलरी पॅकेज माहितीपत्रके सोबत पाठवत आहे.

यापूर्वी बँक ऑफ इंडिया कडून सर्वाधिक विमा संरक्षण मिळत होते.  त्यामुळे बँक ऑफ इंडिया मध्ये बऱ्याच जणांनी खाती काढली आहेत.

शिक्षकांच्या पगारा बाबत निघणार पत्रक

महाराष्ट्र राज्य जुनी पेन्शन हक्क संघटन सांगलीचे सातत्यपूर्ण प्रयत्न..

1 नोव्हेंबर 2005 नंतरच्या शिक्षकांना जुनी पेन्शन योजना लागू नाही. आशावेळी राष्ट्रीयकृत बँकेत सॅलरी पॅकेज अंतर्गत पगार झाल्यास विमा संरक्षण मिळते.नुकतेच बँक ऑफ बडोदा ने या योजने अंतर्गत सर्वाधिक 40 लाख विमा संरक्षण देणारी योजना आणली असून,बँक ऑफ इंडिया,स्टेट बँक ऑफ इंडिया,युनियन बँक याही कमी अधिक प्रमाणात लाभ देतात.यातील अधिक लाभ देणारी व सोयीस्कर बँक निवडण्याचे स्वातंत्र्य शिक्षकांना असावे....

त्या अनुषंगाने 13 मार्च रोजी वेतन व अन्य शासकीय ठेवी खाती राष्ट्रीयकृत बँकेत ठेवण्याबाबत शासन निर्णय निर्गमित झाला आहे. शिक्षकांना त्यांचा पगार त्यांना हव्या त्या बँकेत घेण्याचे स्वातंत्र्य

वरिष्ठ वेतन श्रेणी बाबत

 २४/०२ व २०/०३ मध्ये मंजूर झालेल्या वरिष्ठ वेतन श्रेणी यादीमधील शिक्षकांचे वेतन निश्चिती आदेश यापूर्वी तयार केले होते. या संदर्भातील काम पंचायत समिती कार्यालयातील क्लार्क एस.डी. पाटील करत होते. त्यांनी तयार केलेले वेतन निश्चिती आदेश मधील वेतनाचे अंतिम आकडे जरी बरोबर असले तरी वेतन निश्चितीची पद्धत थोडी चुकीची होती.

 
या सर्व गोष्टींचा व वेतन निश्चिती त्रुटींचा अभ्यास करून अमोल शिंदे सर , पी. डी. शिंदे सर व मी शनिवार व रविवार दोन दिवस प्रत्येक बाबीवर चर्चा करून पी. डी. शिंदे सरांच्या मदतीने अचूक असे वेतन निश्चिती आदेश पुन्हा तयार केले.

महाराष्ट्र राज्य जुनी पेन्शन हक्क संघटन कडून ना.विश्वजित कदम साहेबाना निवेदन

आज दिनांक 15 मे 2020 रोजी मा.ना.विश्वजित कदम सहकार, कृषी, सामाजिक न्याय, अन्न, नागरी पुरवठा व ग्राहक संरक्षण, अल्पसंख्यांक विकास व औकाफ, मराठी भाषा राज्यमंत्री, महाराष्ट्र शासन यांना महाराष्ट्र राज्य जुनी पेन्शन हक्क संघटन सांगली कडून covid-19 संदर्भाने चेक पोस्ट व अन्य ठिकाणी कार्य करत असलेल्या शिक्षक कर्मचारी यांच्या सुरक्षितता व विमा व राष्ट्रीयकृत बँकेत वेतन बाबत  जिल्हाध्यक्ष अमोल शिंदे,जिल्हा कोषाध्यक्ष राजकुमार भोसले,जयसिंग पाटील सर यांनी निवेदन देवून चर्चा केली.

    यावेळी जत तालुक्यातील जिल्हा परिषद शाळा कोळी वस्ती येथे कार्यरत असणारे शिक्षक नानासो सदाशिव कोरे यांचे covid-19 साथ रोखण्यासाठी चेक पोस्ट वर कर्तव्य बजावताना ट्रक चालकाने चिरडल्याने दुर्दैवी निधन झाले. या दुःखद घटनेने covid-19 विरोधात

जत टीमकडून तहसीलदार व गटशिक्षणाधिकारी यांना निवेदन.

👆👆👆👆👆👆

*आज दिनांक 14 मे 2020 रोजी जुनी पेन्शन हक्क संघटन जत यांच्यावतीने जत तहसीलदार माननीय पाटील साहेब  व आपले पंचायत समितीचे गटशिक्षणाधिकारी माननीय श्री शिंदे साहेबांना विविध मागणीसाठी निवेदन देण्यात आले*..   

या निवेदनात 

👉 *डफळापुर केंद्रातील कोळी वस्ती शाळेचे श्री. नानासो कोरे सर यांनी चेक पोस्टवर काम करत असताना दुर्देवी घटनेत निधन झाले. त्यांचे पश्चात  कुटुंबाला कोरोना कर्तव्य बजावताना झालेल्या बलिदान लक्षात घेता विमा मिळावा. ही  प्रमुख मागणी करण्यात आली.त्यांच्या धर्मपत्नीला अनुकंपा खाली नोकरी द्यावी, केंद्र व राज्य शासनामार्फत